தூத்துக்குடி மாநகர் மாவட்ட காங்கிரஸ் தலைவர் எஸ்.எம். சகாயராஜ் பரிந்துரையின் பேரில் மாநகர் மாவட்ட காங்கிரஸ் அணி மற்றும் பிரிவுகளுக்கு புதிய நிர்வாகிகள் மற்றும் துணை, இணை நிர்வாகிகள் நியமிக்கப்பட்டுள்ளனர்.
இந்நிலையில், புதிய நிர்வாகிகள் அனைவரும் சென்னை சென்று காங்கிரஸ் தலைமையகமான சத்தியமூர்த்தி பவனில் தமிழ்நாடு காங்கிரஸ் கமிட்டி தலைவர் மாணிக்கம் தாகூரை நேரில் சந்தித்து வாழ்த்து பெற்றனர்.
தூத்துக்குடி மாநகர் மாவட்ட காங்கிரஸ் தலைவர் எஸ்.எம். சகாயராஜ் தலைமையில் நடைபெற்ற இந்தச் சந்திப்பில், புதிய நிர்வாகிகள் அனைவரையும் வாழ்த்திய மாநிலத் தலைவர் மாணிக்கம் தாகூர், கட்சிப் பணிகளில் சிறப்பாக செயல்பட்டு காங்கிரஸ் கட்சியை வலுப்படுத்த வேண்டும் என்று கேட்டுக்கொண்டார்.
இந்தச் சந்திப்பின்போது மாவட்ட துணைத் தலைவர் பி.ஜே.சி. சுரேஷ், காங்கிரஸ் அமைப்புசாரா தொழிலாளர் பிரிவு தலைவர் சேவியரம்மாள், மாவட்ட செயலாளர்கள் ஜோனர்தன், ராபின், மாவட்ட பொதுச் செயலாளர்கள் ஆண்ட்ரூஸ் ஜாப்ரின், ஆலன், முன்னாள் இளைஞர் காங்கிரஸ் மாநில செயலாளர் ஸ்டாலின், மாவட்ட துணைத் தலைவர் ராஜாராம் உள்ளிட்ட மாநகர் மாவட்ட காங்கிரஸ் நிர்வாகிகள் கலந்து கொண்டனர்.
