இந்திய சுதந்திரப் போராட்டத்தில் ஆங்கிலேயர்களுக்கு எதிராகத் துணிச்சலுடன் போராடி, சுதேசி கப்பல் நிறுவனத்தைத் தொடங்கி, நாட்டின் விடுதலைக்காகத் தனது வாழ்நாளையே அர்ப்பணித்த கப்பலோட்டிய தமிழன், செக்கிழுத்த செம்மல் வ.உ.சிதம்பரனாரின் 90-வது நினைவு தினம் இன்று அனுசரிக்கப்பட்டது.
இதையொட்டி, சென்னை காந்தி மண்டப வளாகத்தில் அமைந்துள்ள வ.உ.சிதம்பரனாரின் திருவுருவச் சிலைக்கு தமிழக மீன்வளம் மற்றும் மீனவர் நலத்துறை அமைச்சர் ஸ்ரீநாத் மாலை அணிவித்து மலர் தூவி மரியாதை செலுத்தினார்.
சுதந்திரப் போராட்டத்தில் வ.உ.சிதம்பரனார் ஆற்றிய தியாகத்தையும், ஆங்கிலேயர்களின் ஆதிக்கத்திற்கு எதிராக இந்தியர்களின் சுயமரியாதையையும் பொருளாதார சுதந்திரத்தையும் நிலைநாட்ட அவர் மேற்கொண்ட முயற்சிகளையும் நினைவுகூர்ந்து மரியாதை செலுத்தப்பட்டது.
இந்த நிகழ்ச்சியில் தவெக நிர்வாகிகள் தூத்துக்குடி மத்திய மாவட்ட தாவுக்கா இணை செயலாளர் கோல்டன், கிஷோர், திருச்சிற்றம்பலம் உள்ளிட்டோர் உடனிருந்தனர்.