தாராபுரம் இடைத்தேர்தலை முன்னிட்டு, கோவிந்தபுரம் பகுதியில் திமுக சார்பில் தேர்தல் பிரசாரம் மற்றும் வாக்கு சேகரிப்பு நடைபெற்றது. இதில் தூத்துக்குடி மாநகராட்சி மேயர் ஜெகன் பெரியசாமி கலந்து கொண்டு, திமுக நிர்வாகிகளுடன் ஆலோசனை நடத்தி வாக்கு சேகரிப்பில் ஈடுபட்டார்.
கோவிந்தபுரம் பகுதியில் வீடு வீடாகச் சென்ற மேயர் ஜெகன் பெரியசாமி மற்றும் திமுக நிர்வாகிகள், பொதுமக்களை நேரில் சந்தித்து கழக வேட்பாளருக்கு ஆதரவு திரட்டினர். அப்போது பொதுமக்களிடம் தேர்தல் தொடர்பான கருத்துகளையும் கேட்டறிந்ததுடன், திமுக சார்பில் மேற்கொள்ளப்பட்டு வரும் பணிகள் குறித்தும் எடுத்துரைத்து வாக்குகள் சேகரித்தனர்.
முன்னதாக, தேர்தல் பணிகள் குறித்து கழக நிர்வாகிகளுடன் ஆலோசனை நடத்தப்பட்டு, வாக்குச்சாவடி வாரியாக மேற்கொள்ள வேண்டிய பிரசாரப் பணிகள், பொதுமக்களை சந்தித்தல் உள்ளிட்ட தேர்தல் பணிகள் குறித்து கலந்துரையாடப்பட்டது.
இந்த நிகழ்வில் தலைமை செயற்குழு உறுப்பினர் செந்தூர்மணி, மாநகர துணை செயலாளரும் மாமன்ற உறுப்பினருமான கீதா முருகேசன், பகுதி செயலாளரும் மாமன்ற உறுப்பினருமான சுரேஷ் குமார், ஒன்றிய செயலாளர்கள் இளையராஜா ,செந்தில்குமார், ராமசாமி, முன்னாள் அரசு வழக்கறிஞர் பூங்குமார், ஒன்றிய துணை செயலாளர் வேல்ராஜ், மாமன்ற உறுப்பினர் கனகராஜ், ஒன்றிய இளைஞர் அணி அமைப்பாளர் கோபால், மாநகர விவசாய அணி முன்னாள் துணை அமைப்பாளர் ஆவுடையப்பன், ஒன்றிய விளையாட்டு அணி அமைப்பாளர் மதுபாலா மணி உள்ளிட்ட திமுக நிர்வாகிகள் மற்றும் தொண்டர்கள் கலந்து கொண்டனர்.
தாராபுரம் இடைத்தேர்தலை முன்னிட்டு தொடர்ந்து பல்வேறு பகுதிகளில் திமுக நிர்வாகிகள் மற்றும் தொண்டர்கள் தீவிரமாக தேர்தல் பணிகளில் ஈடுபட்டு வருவது குறிப்பிடத்தக்கது.
