தூத்துக்குடி, செப்.21–
தூத்துக்குடி பகுதியில் தென்கொரியாவைச் சேர்ந்த HD Hyundai நிறுவனத்தின் கப்பல் கட்டுமான தளம் அமைக்கும் திட்டத்தை கைவிட வலியுறுத்தி, தமிழக மக்கள் முன்னேற்றக் கழகம் சார்பில் மாபெரும் கண்டன ஆர்ப்பாட்டம் திங்கள்கிழமை மாலை வி.வி.டி. சிக்னல் பகுதியில் நடைபெற்றது.
ஆர்ப்பாட்டத்துக்கு தமிழக மக்கள் முன்னேற்றக் கழகத்தின் மத்திய மாவட்ட செயலாளர் வழக்கறிஞர் A.S. லாரன்ஸ் பாண்டியன் தலைமை வகித்தார். இதில் தூத்துக்குடி பகுதியைச் சேர்ந்த உப்பு உற்பத்தியாளர்கள், உப்பளத் தொழிலாளர்கள் உள்ளிட்டோர் கலந்து கொண்டு, கப்பல் கட்டுமான தளத்துக்கு எதிராக கண்டன முழக்கங்களை எழுப்பினர்.
ஆர்ப்பாட்டத்தில், “தமிழக அரசே, தென்கொரிய HD Hyundai கப்பல் கட்டுமான தளத் திட்டத்தை தடை செய்”, “கப்பல் கட்டும் திட்டத்தை கைவிடு”, “உப்பளத் தொழிலாளர்களின் வாழ்வாதாரத்தை பாதுகாத்திடு” என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன.
மேலும், தற்போது ஆட்சியில் உள்ள தமிழக வெற்றிக் கழகம், ஆட்சிக்கு வருவதற்கு முன்பு கப்பல் கட்டுமானத் திட்டத்தை தூத்துக்குடிக்கு வரவிட மாட்டோம் என கூறியதாகவும், தற்போது ஆட்சிக்கு வந்த பின்னர் அந்த நிலைப்பாட்டை மறந்துவிட்டதா? என்றும் ஆர்ப்பாட்டத்தில் கேள்வி எழுப்பப்பட்டது. கப்பல் கட்டுமானத் திட்டம் தொடர்பாக முன்பு தெரிவிக்கப்பட்ட நிலைப்பாட்டை அரசு தெளிவுபடுத்த வேண்டும் என்றும் வலியுறுத்தப்பட்டது.
தூத்துக்குடி சுற்றுவட்டாரப் பகுதிகளில் பல ஆண்டுகளாக உப்பு உற்பத்தித் தொழில் நடைபெற்று வருவதாகவும், இதனை நம்பி உப்பு உற்பத்தியாளர்கள் மட்டுமின்றி ஆயிரக்கணக்கான தொழிலாளர்கள் வாழ்ந்து வருவதாகவும் ஆர்ப்பாட்டத்தில் சுட்டிக்காட்டப்பட்டது.
கோவளம், பசுவந்தனை, பொட்டல்காடு, புல்லாவழி, முள்ளக்காடு, முத்தையாபுரம் உள்ளிட்ட பகுதிகளில் உள்ள உப்பளங்கள் பாதிக்கப்படும் வகையில் கப்பல் கட்டுமானத் திட்டத்தை செயல்படுத்தக் கூடாது என்றும், உப்பளங்களையும் அவற்றை நம்பியுள்ள தொழிலாளர்களின் வாழ்வாதாரத்தையும் பாதுகாக்க தமிழக அரசு உரிய நடவடிக்கை எடுக்க வேண்டும் என்றும் வலியுறுத்தப்பட்டது.
தூத்துக்குடியின் பாரம்பரிய உப்பு உற்பத்தித் தொழிலை பாதுகாத்து, உப்பு உற்பத்தியாளர்கள் மற்றும் உப்பளத் தொழிலாளர்களின் வாழ்வாதாரத்தை உறுதி செய்ய வேண்டும் என்றும், கப்பல் கட்டுமானத் திட்டத்தை கைவிட வேண்டும் என்றும் ஆர்ப்பாட்டத்தில் வலியுறுத்தப்பட்டது.
ஆர்ப்பாட்டத்தில் கலந்து கொண்டவர்கள்:
கே. செல்வம், பி. சேகர், N. முத்துப்பாண்டி, சோழன், பாயு, முத்துக்கேல்வம், கங்காதர திலகர், K.K.R. காளிராக், சுரேஷ் காத்தி, மதுரை பாலாஜி, துரைப்பாண்டி, மாளிமுத்து, காமராக, பெருமாள் தேவர், கணபதி யாதவ், சகிம், கிருஷ்ணன், எட்வின் துரை, சரண்யா உள்ளிட்டோர் கலந்து கொண்டனர். மற்றும் உப்பு உற்பத்தியாளர்கள், உப்பளத் தொழிலாளர்கள், தமிழக மக்கள் முன்னேற்றக் கழக நிர்வாகிகள், தொண்டர்கள் உள்ளிட்டோர் கலந்து கொண்டனர்.
