100 நாள் வேலை திட்டத்திற்கு நிதி தராத ஒன்றிய அரசைக் கண்டித்து கண்டன ஆர்ப்பாட்டம் - திமுக ஒன்றிய செயலாளர் இளையராஜா தலைமையில் நடைபெற்றது.

திராவிட முன்னேற்ற கழக தலைமை கழகத்தின் அறிவிப்பின் படி திமுக தலைவர் தமிழ்நாடு முதல்வர் மு.க.ஸ்டாலின் உத்திரவின் படி தூத்துக்குடி பாராளுமன்ற உறுப்பினர், திமுக துணை பொதுச்செயலாளர் கனிமொழி கருணாநிதி, துணை முதல்வர், திமுக இளைஞர் அணி செயலாளர், இளைஞர் நலம் மற்றும் விளையாட்டு துறை அமைச்சர் உதயநிதி ஸ்டாலின், மீன்வளம் மீனவர் நலன் மற்றும் கால்நடை பராமரிப்புத்துறை அமைச்சர், தூத்துக்குடி தெற்கு மாவட்ட திமுக செயலாளருமான அனிதா ஆர்.ராதாகிருஷ்ணன் ஆகியோரின் ஆலோசனையின் படி

 தூத்துக்குடி தெற்கு மாவட்ட திமுக சார்பில் 100 நாள் வேலை திட்டத்தில் நிதி பாக்கியை தராத தமிழகத்தை தொடர்ந்து வஞ்சித்து வரும் ஒன்றிய அரசை கண்டித்து ஓட்டப்பிடாரம் வடக்கு ஒன்றிய திமுக சார்பில் ஓட்டப்பிடாரம் மெயின் பஜார் தேரடி திடல் அருகே வைத்து ஓட்டப்பிடாரம் வடக்கு ஒன்றிய திமுக செயலாளர் இளையராஜா தலைமையில் கண்டன ஆர்ப்பாட்டம் நடைபெற்றது.

ஆர்ப்பாட்டத்தில் ஓட்டப்பிடாரம் வடக்கு ஒன்றிய திமுக செயலாளர் இளையராஜா தொடர்ந்து தமிழகத்தை வஞ்சித்து வரும் ஒன்றிய அரசை கண்டித்து கண்டன உரையாற்றினார்.

ஆர்ப்பாட்டத்தில் திமுக ஒன்றிய, கிளை கழக நிர்வாகிகள் , வடக்கு ஒன்றியத்திற்கு உட்பட்ட மாவட்ட நிர்வாகிகள், வடக்கு ஒன்றியத்திற்கு உட்பட்ட ஒன்றிய அணி நிர்வாகிகள், என பெரும் திரளான கலந்து கொண்டு ஒன்றிய அரசுக்கு எதிராக கண்டன கோஷங்களை எழுப்பி ஆர்ப்பாட்டத்தில் ஈடுபட்டனர்.